Alla-tuug
Boqoroow Allahayoow adaa, baaqiyoo jira e
Bari iyo adigaanay Galbeed, kula balaadhnayne
Sawaariikhda adigaan ka baqin, oo iska soo baxa e
Adaanay bir orod dheer ku helin, amase baabuure
Baylood cirkaa mari adaan, buur ka hoos galine
Adigaa wixii aad burburin, berina joogayne
Baryadayda ii yeel adaan, kuu bandhigayaaye
Barashada cilmiga diinta yaan, baafiyaa waliye
Masaladii la baadhoo dhan baan, baal ka taagnahaye
In aad diinta ii badisid baan, kaa baryahayaaye
Nin waliba bilaadiisa wuu, barako maalaaye
Baradaydii gaal baa fadhiya, buuran tabartaye
Mana badheedhi karoo ninkaa, baaqsadaan ahaye
Inaad iga bixisaan rabaa, oon kaa baryahayaaye
Boqollaal rag oo wada fadhiya, badhaha suugyaasha
Oo turubka baandhayn hayoo, adigu ii baaq leh
Oon baabka waysiyo salaad, boqonta maydhaynin
Bogga naar inay dhigahayaan, baabka lagu sheegye
Umad baylahda u diid yaan, kaa baryahayaaye??
Bangi lacag ah geel badan rag loo, adhigu uu buuxo
Oo aanay baahiyi haynoo lo'dii, bowdka miranayso
Oon bakhaylnimo sakada, barina dhiibaynin
Bogga naar inay dhigahayaan, baabka lagu sheegye
Ummad bixisa oon diidin baan, kaa baryahayaaye
Xeroow aan bilowgii cilmiga, baran kitaabkiisa
Oo imaamyadii wada billaa, balah u sheegeeya
Isaguna inuu baastar yahay, baabka lagu sheegye
Barqankaa inaad bi'isid baan, kaa baryahayaaye
Barbaar aan cibaada Alliyo, Boqor adeecaynin
Oo baarka siinaay kalkii, bal u budlinaaya??
Oo buuri nuugoo ilkaha, dabarku uu buuxshay
Inay bohosha naar galahayaan, baabka lagu sheegye
Dhallin aan ibliis bi'inin baan, kaa baryahayaaye
Bogga kale haweenkiyo haddaan, baal kale u leexdo
Iyadoon Billaaahi iyo Islaanimo, ku buuraanin
Asturkii kolkii laga baxay bay, sii burburiyeene
Waxay baratamaayaan kob aad, uga ba'aysaaye
Boggaa qaawan bowdada cad iyo, naaska badhidiisa
Barta xaluska kaga taala iyo, bari dabkii gaadhay
Adoon baadhin baad heli kartaa, booska uu yahaye
Hablo badanka soo wada qarshaan, kaa baryahayaaye
Beeshii haddii aan wada marayoon, baal walba u eegay
Biyo lagu rogyaa iyo Jibriil, baalka mariyaaba
In halaag kusoo beegan yahay, baabka lagu sheegye
Bulsho kheyrka wada raadisaan, kaa baryahayaaye
Aweti
Ilaahii Cirshiga nuuriyoow, waanu kuu cabane
Waxaad adigu caabiyi kartaa, ciidhoo noo taraye
Ilaahayow Casiis baad tihiyo, caadilkii jira e
Adigaan cirriyo geeri iyo, cudur ka yaabayne
Adigaan cadrana guursan oon, ciyaal dhaline
Adigaa waxaad camal rabtaa, kugu cuslaanayne
Ilaahayow Casiis baad tihiyo, caadilkii jira e
Adaan cudud laguu sheeganayn, amaan cabsoonayne
Adaan ciidan loo qayshadiyo, caawimaad rabine
Col wax yeelo gaystiyo adaan, cadaw ka yaabayne
Ilaahayow Casiis baad tihiyo, caadilkii jira e
Cunto kaa dhamaatiyo adaan, caydh ka baqanayne
Calal xidhasho uma baahnid iyo, cuud la foofsado e
Ku cayiliyo adigaan ahayn, shay mar caato ahe
Ilaahayow Casiis baad tihiyo, caadilkii jira e
Adaan canug lasoo dhalay ahayn, ama ciyaal reere
Adaan barina meel kula cawayn, cuur filkaaga ah
Cashiiriyo qaraabiyo adaan, ciirsi deydeyine
Ilaahayow Casiis baad tihiyo, caadilkii jira e
Aan cabbaar tilmaamaha cuddoon, sii carcooriyo e
Caddaan fiila cawl iyo guduud, amaa cillaan miida
Casaan boosa maarriin canbara, ama cawiif booda
Madoow culaya sugul caynaba, oo ciiriyo bay leh
Xareed calasa ciid iyo asal, ama cagaar dooga
Caarcaar shabeel ama sidii, calawyo giirgiiran
Cir guduud qaboonoo kaliyo, cawo iyo maalin
Cadar ama cadceedoo kaliyo, sidii roobab curanaaya
Caadkiyo daruuraha dhulkiyo, ciirigii badaha
Codcod subaga caaniyo baruur, cuddo iyo jiidhba
Laan caaradeed shay ka baxa, ama curdaan yeesha
Wax la cuno ama aan calashaniyo, waxaan cabbaynoo dhan
Wax codkiisu yeedhiyo waxaan, ciyi aqoonaynin
Calaamiyo wixii midab ah ee, caalamka u muuqda
Cabbirkaaga shay lihi ma jiro, ood la caantahaye
Ilaahayow Casiis baad tihiyo, caadilkii jira e
Adigaa cilmiga soo dajiyo, diin ciraab badane
Cabdigaagii adigaa ka dhigay, nabi carfoonaaye
Cadadii qur’aankiyo adigaa, curiyey Liilaafe
Ilaahayow casiis baad tihiyo, caadilkii jira e
Cindallaahi ruuxii qabee camal, fashee fiican
Een Nabiga caaradin unbaa, kheyr cantoobsada e
Halaag bay cantuugaan kuwii, aad u cadhootaaye
Ilaahayow Casiis baad tihiyo, caadilkii jira e
Janna caaliyaad suubisay oo, laga cabbaayaaye
Cadaabkiina adigaa dhisiyo, naar ciqaab kulule
Ciyoon baad dhamaysaa wixii aad, cidhib tiraysaaye
Kaad caawinaysana dhaqsaad, u camiraysaaye
Cazaa Wajala waad og tahay, caynka aan rabo e
Adaa siiya laydh caafimaad, gaal ku caasiyeye
Caascaasna adigaa ku rida, sheekh ku caabudaye
Nina inaan cadaadshiyo ma rabo, inaan cidhiidhyaaye
Carrabna kuma idlayn karo waxaan, kaaga soo cabane
Rabbul Carshul Cadiim waad og tahay, caynka aan rabo e
Ilaahayow Casiis baad tihiyo, caadilkii jira e
Inkastoo cad shaydaan qalbiga, caajis galinaayo
Calooshayda kama goyn inaan, Eebe caabudo e
Citiraafay Nabigaygii oo, caashaq baan ahaye (csw)
Ilaahayow Casiis baad tihiyo, caadilkii jira e
Cimrigay intaan noolahee, aan carrada joogo
Ceebtiyo waxaan ugu necbahay, ciil na daashada e
Mana lihi awood celin kartiyo, xoog cadaadshaba e
Ilaahii Cirshiga nuuriyoow, waanu kuu cabane
Inaad adigu naga caawisaan, kaa codsanayaaye
Callaamo
Waa taan Cadaadley ka guday xalay cawayskiiye
Caado iyo intaan Sirow tegaan caano geel dhamaye
Cosob iyo markaasay Maryama ila ciyaareene
Citiraafna waan helay sidii dawlad caadila ahe
Waana lay casuumaday sidii caalim soo dagaye
Ragna inuu catrado ii dhisuu iila ciil qabaye
Cisigaa anoo heli karoo cudur la'aan seexday
Turumbadu markii ay cidee waaguna caasaaday
Cirkii iyo camuudii markaan cayn kastaba dhawray
Rag calool xun goortaan arkiyo calalo taanbuug ah
Carmis inaan ag joogaan gartiyo wali ciqaabtiiye
Caku anigee goormaa wajaaf laygu soo celiyey
Carradii biyaa iga xidhoo waxaan cabaan waayey!
Cadar bay ahaydoo intaa caga-gubyey haysay!
Cagaag baa i mudayoo kabaan cidhibta saaraa dheh!
Shan nin bay casuumaysayoo fiidkii ma cashayn dheh!
Batar Ceerigaabaan ku jabay mana ciyaarayn dheh!
Cirka iyo baqoolaan ku tegay Cadale meeshiisa
Cusbalayna waan soo mariyo Ceelis gudaheeda
Cimrigayna meeshaan fadhiyo kama carraabayn dheh!
Cawdaan ku jiifiyo hurdada caawa kama toosin
Sidaan u caweysimaayuu waagu ku caddaan dheh!
Niman bay canaantoo haddana ii calaalcala dheh!
Ceeb baa la ii faafinoo la ima caayayn dheh!
Hadalkaa calaamada leh waad la cajabaysaane
Caynkaana waxa iigu wacan ciilka aan qabo dheh
Daba la'a
Waa taan Cadaadley ka guday xalay cawayskiiye
Caado iyo intaan Sirow tegaan caano geel dhamaye
Cosob iyo markaasay Maryama ila ciyaareene
Citiraafna waan helay sidii dawlad caadila ahe
Waana lay casuumaday sidii caalim soo dagaye
Ragna inuu catrado ii dhisuu iila ciil qabaye
Cisigaa anoo heli karoo cudur la'aan seexday
Turumbadu markii ay cidee waaguna caasaaday
Cirkii iyo camuudii markaan cayn kastaba dhawray
Rag calool xun goortaan arkiyo calalo taanbuug ah
Carmis inaan ag joogaan gartiyo wali ciqaabtiiye
Caku anigee goormaa wajaaf laygu soo celiyey
Carradii biyaa iga xidhoo waxaan cabaan waayey!
Cadar bay ahaydoo intaa caga-gubyey haysay!
Cagaag baa i mudayoo kabaan cidhibta saaraa dheh!
Shan nin bay casuumaysayoo fiidkii ma cashayn dheh!
Batar Ceerigaabaan ku jabay mana ciyaarayn dheh!
Cirka iyo baqoolaan ku tegay Cadale meeshiisa
Cusbalayna waan soo mariyo Ceelis gudaheeda
Cimrigayna meeshaan fadhiyo kama carraabayn dheh!
Cawdaan ku jiifiyo hurdada caawa kama toosin
Sidaan u caweysimaayuu waagu ku caddaan dheh!
Niman bay canaantoo haddana ii calaalcala dheh!
Ceeb baa la ii faafinoo la ima caayayn dheh!
Hadalkaa calaamada leh waad la cajabaysaane
Caynkaana waxa iigu wacan ciilka aan qabo dheh
Dal-xiis
. Dalkayaga dabeecooyinkii, Eebe ugu deeqay
2. Dulwareejis guud baan tilmaan, kugu dawaafsiine
3. Ila daawo gabaygaygan waan, kugu dalxiis gayne
4. Hanfi dab iyo duufaano maleh, ama diraac dheere
5. Madaayaan daruurtiyo cirkuba, waana di-i-taane
6. Daafyahaa saraa noogu badan, karan darroorteed e
7. Umana doollin doog iyo xareed, wali dadkiisuye
8. Mana doosho duunyadu dhul kale, sidan daraadeede
9. Inta Dahare Doolliyo Dohiyo, Diggi u hoosayso
10. Ee daan Galbeed iyo kor baan, kuu dalaandalinne
11. Waana dul iyo diillaha dhixiyo, duudo iyo buure
12. Durdur iyo dad haro uu qotiyo, kali dafoo buuxa
13. Tog durraaba laagaha dixdiyo, wabi kasoo daaca
14. Biyaha daadku dooxiyo hundaba, way dindimayaane
15. Markaasuu qofkii doonayaa, dalaga beertaaye
16. Ma dardugin farsamaday shacbigu, tacab ku doontaane
17. Harqoodkii dushiyo kootar adag, dacal u saaraane
18. Jiqirtidaan dabcayn Nugi durtiyo, kooshi loo dadabye
19. Minaaq daloolay baa marashadii, loo dusinayaane
20. Digiraday dafsiin iyo irfidaa, la isku daabtaaye
22. Xadhko dunniyo suun iyo qoryihii, laysku wada duubye
23. Sango dacayan dagal kaw sudhoo, lagu dabaabeeye
24. Markaasay dullaha qaadannooy, daba istaagaane
25. Alaabtaa carada dooxi bay, dibidu jiidaaye
26. Ciid abuurkii lagu daadinbay, kala dilaacshaane
27. Dhulkuna daahimaayee sidii, lagu dareemaayey
28. Durba midhihii oo doog noqday buu, soo dalacayaaye
29. Dheelidaa dabayluhu lulaaan, maalmo dabadeede
30. Hadana way ka dabargoyn ristiyo, caws dugsiin kara e
31. Doc katuure laamuhu sabuul, firi dahaadhnayde
32. Waliba shay darxumo keeni baa, laga duwaayaaye
33. Waxay ugu dikeeyaan sariir, daakhilkeeda ahe
34. Doofaarraday kaga ceshaan, amase daanyeere
35. Wadhaf bay ku daafici shinbiro, duulayaa jira e
36. Mudday laydh dabaalane kolkay, diir-cadaad noqoto
37. Qof dibjiray haduu soomariyo, socoto diifaysan
38. Looguma darree beerta waa, laga daryeelaaye
39. Wixii deeqi karay baa martida, looga sii dubiye
40. Qofkii oon degmada gaadhin bay, sii dibiriyaane
41. Qodaal darisa waa lagu ogaa, daawo iyo xeere
42. Way ugula dillaamaan mandado, kii dalbada guuse
43. Bakaar duugte xero oodan dayr, oo karoor dade
44. Qofba wixii dorraad kayd u yiil, wuu diqdiqayaaye
45. Dhulkani deeq Allaalehe intuu, naga durduursiiyay
46. Wixii Daa'in naga dheefshay iyo, qaar ku sii dihinba
47. Dibno kuma idlayn karo sadkuu, noogu daabacaye
48. Duuduub ahaan saricii waan, kuu dulleed maraye
49. Dabrocelinta hoos iyo Bari baan, kuula daadagiye
50. Tanna ila day waa daaqsintiyo, geestii duunyada e
51. Inkastoo darraanshihii batay iyo, dacatigii maalku
52. qof daman oo kuwiisii dacniyay, ama darbaynaaya
53. Isba caydh dagaagtiyo fakhribay, dani u gaysaaye
54. Dango malaha duunyadu hadaan, layska daayicine
55. Ma darsaan damiin jaahil iyo, doqontu waa mooge
56. Iga daase hadalkaan damcay, tani duwaysaaye
57. Maansada dariiqii horaan, kuugu daadihine
58. Gu iyo dayr dabaylood xagaa, ama diraac goodle
59. Afarta xilli dacalka Bari, waa isdabajooge
60. Dagmadiyo siday ugu dhaqmaan, ceel-shubkiyo doogga
61. Durdur iyo magaalaba anaa, kugu dalxiis gayne
62. Sheekada aan lagu daalin baa, daawo miidhan ahe
63. Waxba yaanan kuu sii daldalin, sheeko dabadheere
64. Ma daynine dulkaasaan hadhow, daadah kaa odhane
65. Maantana halkaa noogu daa, haysku sii diline
66. Diyaar noqo hadana saadanbaan, daqaqamaynaaye
Dhab-kahadal
Dhabbe saxan dhayaalkii makrigeed u dhalandhooshay
Fikradaad dhiraandhirin jirteed dhaaxa daba joogtay
Halgan dhanba adoo bari dhexgalay oo kusoo dhididay
Inaad dhaliso gool iyo inaad dhimato mooyaane
Dhexdhexaad inaad kaga hadhaa waa dhabcaalnimo e
Fikradaad dhiraandhirin jirteed dhaaxa daba joogtay
Dhukusaad mar bay yeelan iyo dhuudis gaadmo ahe
Kolla orod dhabaabaca noqdiyo waa dhakhso u roore
Dhadhaab kaa horjeediyo adoo dhiibo filanaaya
Dhiigiyo naftaadana huroon dharabo eegaynin
Oon dad nacabku dhaansaday hadhow yeelan dhaxalkaaga
Dhadhamiyo dhamcaatiyo adoon dheef u xilanaynin
Dhammaanteed adoo saa u garan ama u dhawraaya
Halgan dhaawac loogama hakado dhimasho yeelkeede
In dhawayd dhawaaqii badnaa waanigii dhimaye
Mase dhoofin mana dhuuman mana dhaqaaq dayne
Ma dhabarin is dhuudhuubiduna ma aha dhalankaye
Dhajiyaha xinjiro dhaadhigiyo dheri karshaagiisa
Af-weynaha dhargiyo kaan la dhiman dharagse diidaynin
Wax kalaa dhuftay leeyihiin malaha Dhoodaane
Dhankalaaso waanigii aqiin tuugu dhaygago e
Dharbaaxooyinkaygii cuslaa waan la dhacyaaye
Intaan dhabarka kaga joogsadoon dhiico ugu yeelo
Waa inuu dhafoorkuba qarxoo dhaga dilaacaane
Dhugasho
. Soomaalidaan dhiidhiyay, ugu dhamaynaayey
2. Dhan kastaba ha joogtee dadkaan, dhiirigelinayaayey
3. Dadkaan dhiiga hoosiyo qalbiga, wada dhalaalsiiyey
4. Runtii aan u dhakaabiyo dadkaan, dhaabadda u sheegay
5. Dharaar iyo habeen qayladaan, kor u dhawaaqayey
6. Ujeedada dhankii loo wadee, layska dhaadhiciyey
7. Inta dhinac marsani waa kuwaan, garasho dheereyne
8. Caqligay ka dhaawacan yihiin, waana shay dhab ahe
9. Oo dhaandhaamo baas waxa ka dhigay, dhuuni raacnimo’e
10. Shaydaankay dheesha u tumaan, wuu dhakaandhabiye
11. Umaddan dhabaalyeyn jiree, aan u dhawaaqaayey
12. Dhabar dhabar hadday wax u fahmeen, yaa dhibaato ahee
13. Dhaqankiyo asluubtaan macanaha, kugu dhansiiyaaye
14. Raggiise aabbayaasheen dhalay baa, dhaafay hadal weyne
15. Maahmaahyadey noo dhiseen, midaan ka soo dheegay
16. Dhinacyada hadduu kaaga jiro, nacab ku dhaylyaaya
17. Intaad sacabadow dhigan lahayn, nacab ku dhuudaaya
18. Si uu dhoomo inaad buuxsatoo, dheregtay kuu moodo
19. Dhafoor xumiyo cadawgaagu yuu, dhuubni kaa garane
20. Waxaaba loogu soo dhaashadaa, dhuux sagaaro e
21. Markaad hadalku geestuu u dhacay, sii dhadhamisaanna
22. Dhudhunkeeda taa lama lahayn, dheef ka raadsade e
23. Macnuhu waa dhiggaa lama beryee, ceeb ka dhawrsade
24. Dhirta iyo dabayshiyo dhulkiyo, dheefta iyo ciidda
25. Wax dhulkeena lagu dheehay oo, dheeriyaa badane
26. Inkastoo dhallaan iyo gabow, ciidda lagu dhaarto
27. Dhaqdhaqaaqi meelaan casrigu, wali ku dheereynin
28. Dhallinyaradii aan sheegaayiyo, taan dhegaabinayey
29. Maskaxdaa dhan hadalkiina, way dhihi yaqaaniine
30. Dhimir iyo garaad way qabaan, fiiro dhumuc weyne
31. Oo qaarkood murtiday soo dhuftaan, waabad dheygagiye
32. Dhabbahaan marayniyo libtuna, way isu dhaw dahaye
33. Dhaqso horumarkoodiina way, dhagagsanaayaane
34. Isxilqaanka noo dhimman maxaan, uga dhabcaalownay
35. Dhurde ma laha dhuux iyo laf iyo, dhiibsanow muruqe
36. Dhirtana waa ka miidduu ka dhuray, lala dhamaayaaye
37. Intaan ubuxu dhadhin ee ku yaal, laanta dhaladeeda
38. Ee uu mankuba dhaadan yuu, tacab dhitaystaaye
39. Hadhow buuse wuxuu sii dhigtiyo, malabkii dhuuqaaye
40. Haddaan eegno dhuunyaalihiyo, anigan Dhoodaana
41. Billow aadmigii aan u dhashaan, yara ku dhaamaaye
42. Geedihii dhulkiyo hawlkarnimo, igaga dheereeye
43. Aboorkuna dhareer iyo wuxuu, ciid isugu dhoobay
44. Ee uu dundumada uga dhigay, amuu u dheeraystay
45. Waa jidhacuu dhiilada ka qabay, inuu ka dhuuntaaye
46. Haddaan cadawga soo dheelmadka ah, la iska dhooroofin
47. Dhexda maalintuu kaa galee, dhagarna kuu geysto
48. Dhirif iyo cabaad sida runta ah, kaama dhiciyaane
49. Dharbaaxadu intay kaa fogtee, soo dhabbacanayso
50. Lama dhagabsadee waa inaad, dhab u dareentaaye
51. Markaasaa dhangado loo gurtaa, dhaax la diriraaye
52. Oo dhawrta lays kaga gudbaa, dhacamo waaweyne
53. Geedaha dhafmaa lagu yidhaa, waysku dhoon kaniye
54. Dhig baan udub ku taagayoon ku xidhay, shay dhegaatiyahe
55. Mana dhalleecsan hadalkii anoon, sii dhubqaaliyine
56. Ruuxii i dhageystow macnihii, waan ku dhaadhicine
57. Cudurada wax dhaawaca jirrada, lala dhukaamayo
58. Ee sida dhinbiilaha dabka ah, kaga dhagsiinaysa
59. Iyo gumaysi dhuug iyo ka daran, baalcaddii dhagaxa
60. Oo inuu dharkaba kaa furtiyo, dooni dhaxalkaaga
61. Labadaaba wixii kaa dhacshaa, ma aha dheeldheele
62. Mid walba waa dagaal dhiif leh oo, dhuubka loo daro e
63. Dhanka kale waxyaalahan dharaar nool idhaa, taaba maan dhuganno
64. Dhakhtarnimo ka soo qaad bal waan, kuu dhildhilayaaye
65. Caanaha dharkaynkiyo haddaan, dhirindhir soo hoorsho
66. Oo aan dhammaajiyo ku daro, xabagta dhiigsaarka
67. Oon dhiil xareediyo intaan dheri, ka soo buuxsho
68. Oo daboolka aan u dhuujiyoon, dab u dhardhaarreeyo
69. Kolay boogta dhaymo u noqdaan, lama dhalliileene
70. Ma dad dhoohan baan nahay, maxaan taa la dhugan weynay?
71. Haddaanse laamo dhaadheer ka qodo, dhuundhas xididkeeda
72. Oon xadhig dhan kaga soo xidhoon, dhinac u laadlaadsho
73. Oon weel u hoos dhigo biyaha, way dhidhibicdaaye
74. Inuu dhibiq tifleeyaba qoryaha, waxa ka soo dhiiqa
75. Haddaan waliba dheecaan Mawiyo, dhamstana u geeyo
76. Oon dhaal ku wada shiilo oon dherilo, ka soo buuxsho
77. Inay dhabarka daawo u noqdaan, way u dhawdahaye
78. Ma dad dhoohan baan nahay, maxaan taa la dhugan weynay?
79. Markay Uneexo rays dhaadhidee, dharabka doogowdo
80. Dhawr geed haddaan soo rujoon, dhamac yar taabsiiyo
81. Markay dhuudhi roortee humrigu, dhidid ka soo daayo
82. Dhudhun lagu maroojiyo intaan, xoog isugu dhaabo
83. War dhaydaan ka tuujiyo waxaan, dharaq ka soo miiro
84. Kob dhawrsoon intaan sii dhigtoo, dhababo oon huursho
85. Oon Jinow dhanaan iyo haddana, dhoon Tobboga keeno
86. Oon tiina taa dhiil qarsha ah, kula dhadoobeeyo
87. Dhuubaan kolkay soo baxdoo, dhiin casuus noqoto
88. Qof dhilmaayo soo tuurtay oo, kaar u dhimanaayey
89. Haddaan xidid sintaa kaga dhuftoon, dhash! kaga siiyo
90. Dhaqso inuu bogsoodaaba way, dhici karaysaaye
91. Ma dad dhoohan baan nahay, maxaan taa la dhugan weynay?
92. Dhafaruur dhunkaal lagu qasiyo, Dhayga badhidiisa
93. Dhiqle mayna reebteen waxbaba, yey dhurwaa diline
94. Dhiidhiitiida kama liidateen, laygu dhacayaaye
95. Ma dad dhoohan baa nahay, maxaan taa la dhugan weynay?
Alle tuug
Aweto
Callamo
Daba la'a
Dal-xiis
Dhab-kahadal
Dhugasho
Boqoroow Allahayoow adaa, baaqiyoo jira e
Bari iyo adigaanay Galbeed, kula balaadhnayne
Sawaariikhda adigaan ka baqin, oo iska soo baxa e
Adaanay bir orod dheer ku helin, amase baabuure
Baylood cirkaa mari adaan, buur ka hoos galine
Adigaa wixii aad burburin, berina joogayne
Baryadayda ii yeel adaan, kuu bandhigayaaye
Barashada cilmiga diinta yaan, baafiyaa waliye
Masaladii la baadhoo dhan baan, baal ka taagnahaye
In aad diinta ii badisid baan, kaa baryahayaaye
Nin waliba bilaadiisa wuu, barako maalaaye
Baradaydii gaal baa fadhiya, buuran tabartaye
Mana badheedhi karoo ninkaa, baaqsadaan ahaye
Inaad iga bixisaan rabaa, oon kaa baryahayaaye
Boqollaal rag oo wada fadhiya, badhaha suugyaasha
Oo turubka baandhayn hayoo, adigu ii baaq leh
Oon baabka waysiyo salaad, boqonta maydhaynin
Bogga naar inay dhigahayaan, baabka lagu sheegye
Umad baylahda u diid yaan, kaa baryahayaaye??
Bangi lacag ah geel badan rag loo, adhigu uu buuxo
Oo aanay baahiyi haynoo lo'dii, bowdka miranayso
Oon bakhaylnimo sakada, barina dhiibaynin
Bogga naar inay dhigahayaan, baabka lagu sheegye
Ummad bixisa oon diidin baan, kaa baryahayaaye
Xeroow aan bilowgii cilmiga, baran kitaabkiisa
Oo imaamyadii wada billaa, balah u sheegeeya
Isaguna inuu baastar yahay, baabka lagu sheegye
Barqankaa inaad bi'isid baan, kaa baryahayaaye
Barbaar aan cibaada Alliyo, Boqor adeecaynin
Oo baarka siinaay kalkii, bal u budlinaaya??
Oo buuri nuugoo ilkaha, dabarku uu buuxshay
Inay bohosha naar galahayaan, baabka lagu sheegye
Dhallin aan ibliis bi'inin baan, kaa baryahayaaye
Bogga kale haweenkiyo haddaan, baal kale u leexdo
Iyadoon Billaaahi iyo Islaanimo, ku buuraanin
Asturkii kolkii laga baxay bay, sii burburiyeene
Waxay baratamaayaan kob aad, uga ba'aysaaye
Boggaa qaawan bowdada cad iyo, naaska badhidiisa
Barta xaluska kaga taala iyo, bari dabkii gaadhay
Adoon baadhin baad heli kartaa, booska uu yahaye
Hablo badanka soo wada qarshaan, kaa baryahayaaye
Beeshii haddii aan wada marayoon, baal walba u eegay
Biyo lagu rogyaa iyo Jibriil, baalka mariyaaba
In halaag kusoo beegan yahay, baabka lagu sheegye
Bulsho kheyrka wada raadisaan, kaa baryahayaaye
Aweti
Ilaahii Cirshiga nuuriyoow, waanu kuu cabane
Waxaad adigu caabiyi kartaa, ciidhoo noo taraye
Ilaahayow Casiis baad tihiyo, caadilkii jira e
Adigaan cirriyo geeri iyo, cudur ka yaabayne
Adigaan cadrana guursan oon, ciyaal dhaline
Adigaa waxaad camal rabtaa, kugu cuslaanayne
Ilaahayow Casiis baad tihiyo, caadilkii jira e
Adaan cudud laguu sheeganayn, amaan cabsoonayne
Adaan ciidan loo qayshadiyo, caawimaad rabine
Col wax yeelo gaystiyo adaan, cadaw ka yaabayne
Ilaahayow Casiis baad tihiyo, caadilkii jira e
Cunto kaa dhamaatiyo adaan, caydh ka baqanayne
Calal xidhasho uma baahnid iyo, cuud la foofsado e
Ku cayiliyo adigaan ahayn, shay mar caato ahe
Ilaahayow Casiis baad tihiyo, caadilkii jira e
Adaan canug lasoo dhalay ahayn, ama ciyaal reere
Adaan barina meel kula cawayn, cuur filkaaga ah
Cashiiriyo qaraabiyo adaan, ciirsi deydeyine
Ilaahayow Casiis baad tihiyo, caadilkii jira e
Aan cabbaar tilmaamaha cuddoon, sii carcooriyo e
Caddaan fiila cawl iyo guduud, amaa cillaan miida
Casaan boosa maarriin canbara, ama cawiif booda
Madoow culaya sugul caynaba, oo ciiriyo bay leh
Xareed calasa ciid iyo asal, ama cagaar dooga
Caarcaar shabeel ama sidii, calawyo giirgiiran
Cir guduud qaboonoo kaliyo, cawo iyo maalin
Cadar ama cadceedoo kaliyo, sidii roobab curanaaya
Caadkiyo daruuraha dhulkiyo, ciirigii badaha
Codcod subaga caaniyo baruur, cuddo iyo jiidhba
Laan caaradeed shay ka baxa, ama curdaan yeesha
Wax la cuno ama aan calashaniyo, waxaan cabbaynoo dhan
Wax codkiisu yeedhiyo waxaan, ciyi aqoonaynin
Calaamiyo wixii midab ah ee, caalamka u muuqda
Cabbirkaaga shay lihi ma jiro, ood la caantahaye
Ilaahayow Casiis baad tihiyo, caadilkii jira e
Adigaa cilmiga soo dajiyo, diin ciraab badane
Cabdigaagii adigaa ka dhigay, nabi carfoonaaye
Cadadii qur’aankiyo adigaa, curiyey Liilaafe
Ilaahayow casiis baad tihiyo, caadilkii jira e
Cindallaahi ruuxii qabee camal, fashee fiican
Een Nabiga caaradin unbaa, kheyr cantoobsada e
Halaag bay cantuugaan kuwii, aad u cadhootaaye
Ilaahayow Casiis baad tihiyo, caadilkii jira e
Janna caaliyaad suubisay oo, laga cabbaayaaye
Cadaabkiina adigaa dhisiyo, naar ciqaab kulule
Ciyoon baad dhamaysaa wixii aad, cidhib tiraysaaye
Kaad caawinaysana dhaqsaad, u camiraysaaye
Cazaa Wajala waad og tahay, caynka aan rabo e
Adaa siiya laydh caafimaad, gaal ku caasiyeye
Caascaasna adigaa ku rida, sheekh ku caabudaye
Nina inaan cadaadshiyo ma rabo, inaan cidhiidhyaaye
Carrabna kuma idlayn karo waxaan, kaaga soo cabane
Rabbul Carshul Cadiim waad og tahay, caynka aan rabo e
Ilaahayow Casiis baad tihiyo, caadilkii jira e
Inkastoo cad shaydaan qalbiga, caajis galinaayo
Calooshayda kama goyn inaan, Eebe caabudo e
Citiraafay Nabigaygii oo, caashaq baan ahaye (csw)
Ilaahayow Casiis baad tihiyo, caadilkii jira e
Cimrigay intaan noolahee, aan carrada joogo
Ceebtiyo waxaan ugu necbahay, ciil na daashada e
Mana lihi awood celin kartiyo, xoog cadaadshaba e
Ilaahii Cirshiga nuuriyoow, waanu kuu cabane
Inaad adigu naga caawisaan, kaa codsanayaaye
Callaamo
Waa taan Cadaadley ka guday xalay cawayskiiye
Caado iyo intaan Sirow tegaan caano geel dhamaye
Cosob iyo markaasay Maryama ila ciyaareene
Citiraafna waan helay sidii dawlad caadila ahe
Waana lay casuumaday sidii caalim soo dagaye
Ragna inuu catrado ii dhisuu iila ciil qabaye
Cisigaa anoo heli karoo cudur la'aan seexday
Turumbadu markii ay cidee waaguna caasaaday
Cirkii iyo camuudii markaan cayn kastaba dhawray
Rag calool xun goortaan arkiyo calalo taanbuug ah
Carmis inaan ag joogaan gartiyo wali ciqaabtiiye
Caku anigee goormaa wajaaf laygu soo celiyey
Carradii biyaa iga xidhoo waxaan cabaan waayey!
Cadar bay ahaydoo intaa caga-gubyey haysay!
Cagaag baa i mudayoo kabaan cidhibta saaraa dheh!
Shan nin bay casuumaysayoo fiidkii ma cashayn dheh!
Batar Ceerigaabaan ku jabay mana ciyaarayn dheh!
Cirka iyo baqoolaan ku tegay Cadale meeshiisa
Cusbalayna waan soo mariyo Ceelis gudaheeda
Cimrigayna meeshaan fadhiyo kama carraabayn dheh!
Cawdaan ku jiifiyo hurdada caawa kama toosin
Sidaan u caweysimaayuu waagu ku caddaan dheh!
Niman bay canaantoo haddana ii calaalcala dheh!
Ceeb baa la ii faafinoo la ima caayayn dheh!
Hadalkaa calaamada leh waad la cajabaysaane
Caynkaana waxa iigu wacan ciilka aan qabo dheh
Daba la'a
Waa taan Cadaadley ka guday xalay cawayskiiye
Caado iyo intaan Sirow tegaan caano geel dhamaye
Cosob iyo markaasay Maryama ila ciyaareene
Citiraafna waan helay sidii dawlad caadila ahe
Waana lay casuumaday sidii caalim soo dagaye
Ragna inuu catrado ii dhisuu iila ciil qabaye
Cisigaa anoo heli karoo cudur la'aan seexday
Turumbadu markii ay cidee waaguna caasaaday
Cirkii iyo camuudii markaan cayn kastaba dhawray
Rag calool xun goortaan arkiyo calalo taanbuug ah
Carmis inaan ag joogaan gartiyo wali ciqaabtiiye
Caku anigee goormaa wajaaf laygu soo celiyey
Carradii biyaa iga xidhoo waxaan cabaan waayey!
Cadar bay ahaydoo intaa caga-gubyey haysay!
Cagaag baa i mudayoo kabaan cidhibta saaraa dheh!
Shan nin bay casuumaysayoo fiidkii ma cashayn dheh!
Batar Ceerigaabaan ku jabay mana ciyaarayn dheh!
Cirka iyo baqoolaan ku tegay Cadale meeshiisa
Cusbalayna waan soo mariyo Ceelis gudaheeda
Cimrigayna meeshaan fadhiyo kama carraabayn dheh!
Cawdaan ku jiifiyo hurdada caawa kama toosin
Sidaan u caweysimaayuu waagu ku caddaan dheh!
Niman bay canaantoo haddana ii calaalcala dheh!
Ceeb baa la ii faafinoo la ima caayayn dheh!
Hadalkaa calaamada leh waad la cajabaysaane
Caynkaana waxa iigu wacan ciilka aan qabo dheh
Dal-xiis
. Dalkayaga dabeecooyinkii, Eebe ugu deeqay
2. Dulwareejis guud baan tilmaan, kugu dawaafsiine
3. Ila daawo gabaygaygan waan, kugu dalxiis gayne
4. Hanfi dab iyo duufaano maleh, ama diraac dheere
5. Madaayaan daruurtiyo cirkuba, waana di-i-taane
6. Daafyahaa saraa noogu badan, karan darroorteed e
7. Umana doollin doog iyo xareed, wali dadkiisuye
8. Mana doosho duunyadu dhul kale, sidan daraadeede
9. Inta Dahare Doolliyo Dohiyo, Diggi u hoosayso
10. Ee daan Galbeed iyo kor baan, kuu dalaandalinne
11. Waana dul iyo diillaha dhixiyo, duudo iyo buure
12. Durdur iyo dad haro uu qotiyo, kali dafoo buuxa
13. Tog durraaba laagaha dixdiyo, wabi kasoo daaca
14. Biyaha daadku dooxiyo hundaba, way dindimayaane
15. Markaasuu qofkii doonayaa, dalaga beertaaye
16. Ma dardugin farsamaday shacbigu, tacab ku doontaane
17. Harqoodkii dushiyo kootar adag, dacal u saaraane
18. Jiqirtidaan dabcayn Nugi durtiyo, kooshi loo dadabye
19. Minaaq daloolay baa marashadii, loo dusinayaane
20. Digiraday dafsiin iyo irfidaa, la isku daabtaaye
22. Xadhko dunniyo suun iyo qoryihii, laysku wada duubye
23. Sango dacayan dagal kaw sudhoo, lagu dabaabeeye
24. Markaasay dullaha qaadannooy, daba istaagaane
25. Alaabtaa carada dooxi bay, dibidu jiidaaye
26. Ciid abuurkii lagu daadinbay, kala dilaacshaane
27. Dhulkuna daahimaayee sidii, lagu dareemaayey
28. Durba midhihii oo doog noqday buu, soo dalacayaaye
29. Dheelidaa dabayluhu lulaaan, maalmo dabadeede
30. Hadana way ka dabargoyn ristiyo, caws dugsiin kara e
31. Doc katuure laamuhu sabuul, firi dahaadhnayde
32. Waliba shay darxumo keeni baa, laga duwaayaaye
33. Waxay ugu dikeeyaan sariir, daakhilkeeda ahe
34. Doofaarraday kaga ceshaan, amase daanyeere
35. Wadhaf bay ku daafici shinbiro, duulayaa jira e
36. Mudday laydh dabaalane kolkay, diir-cadaad noqoto
37. Qof dibjiray haduu soomariyo, socoto diifaysan
38. Looguma darree beerta waa, laga daryeelaaye
39. Wixii deeqi karay baa martida, looga sii dubiye
40. Qofkii oon degmada gaadhin bay, sii dibiriyaane
41. Qodaal darisa waa lagu ogaa, daawo iyo xeere
42. Way ugula dillaamaan mandado, kii dalbada guuse
43. Bakaar duugte xero oodan dayr, oo karoor dade
44. Qofba wixii dorraad kayd u yiil, wuu diqdiqayaaye
45. Dhulkani deeq Allaalehe intuu, naga durduursiiyay
46. Wixii Daa'in naga dheefshay iyo, qaar ku sii dihinba
47. Dibno kuma idlayn karo sadkuu, noogu daabacaye
48. Duuduub ahaan saricii waan, kuu dulleed maraye
49. Dabrocelinta hoos iyo Bari baan, kuula daadagiye
50. Tanna ila day waa daaqsintiyo, geestii duunyada e
51. Inkastoo darraanshihii batay iyo, dacatigii maalku
52. qof daman oo kuwiisii dacniyay, ama darbaynaaya
53. Isba caydh dagaagtiyo fakhribay, dani u gaysaaye
54. Dango malaha duunyadu hadaan, layska daayicine
55. Ma darsaan damiin jaahil iyo, doqontu waa mooge
56. Iga daase hadalkaan damcay, tani duwaysaaye
57. Maansada dariiqii horaan, kuugu daadihine
58. Gu iyo dayr dabaylood xagaa, ama diraac goodle
59. Afarta xilli dacalka Bari, waa isdabajooge
60. Dagmadiyo siday ugu dhaqmaan, ceel-shubkiyo doogga
61. Durdur iyo magaalaba anaa, kugu dalxiis gayne
62. Sheekada aan lagu daalin baa, daawo miidhan ahe
63. Waxba yaanan kuu sii daldalin, sheeko dabadheere
64. Ma daynine dulkaasaan hadhow, daadah kaa odhane
65. Maantana halkaa noogu daa, haysku sii diline
66. Diyaar noqo hadana saadanbaan, daqaqamaynaaye
Dhab-kahadal
Dhabbe saxan dhayaalkii makrigeed u dhalandhooshay
Fikradaad dhiraandhirin jirteed dhaaxa daba joogtay
Halgan dhanba adoo bari dhexgalay oo kusoo dhididay
Inaad dhaliso gool iyo inaad dhimato mooyaane
Dhexdhexaad inaad kaga hadhaa waa dhabcaalnimo e
Fikradaad dhiraandhirin jirteed dhaaxa daba joogtay
Dhukusaad mar bay yeelan iyo dhuudis gaadmo ahe
Kolla orod dhabaabaca noqdiyo waa dhakhso u roore
Dhadhaab kaa horjeediyo adoo dhiibo filanaaya
Dhiigiyo naftaadana huroon dharabo eegaynin
Oon dad nacabku dhaansaday hadhow yeelan dhaxalkaaga
Dhadhamiyo dhamcaatiyo adoon dheef u xilanaynin
Dhammaanteed adoo saa u garan ama u dhawraaya
Halgan dhaawac loogama hakado dhimasho yeelkeede
In dhawayd dhawaaqii badnaa waanigii dhimaye
Mase dhoofin mana dhuuman mana dhaqaaq dayne
Ma dhabarin is dhuudhuubiduna ma aha dhalankaye
Dhajiyaha xinjiro dhaadhigiyo dheri karshaagiisa
Af-weynaha dhargiyo kaan la dhiman dharagse diidaynin
Wax kalaa dhuftay leeyihiin malaha Dhoodaane
Dhankalaaso waanigii aqiin tuugu dhaygago e
Dharbaaxooyinkaygii cuslaa waan la dhacyaaye
Intaan dhabarka kaga joogsadoon dhiico ugu yeelo
Waa inuu dhafoorkuba qarxoo dhaga dilaacaane
Dhugasho
. Soomaalidaan dhiidhiyay, ugu dhamaynaayey
2. Dhan kastaba ha joogtee dadkaan, dhiirigelinayaayey
3. Dadkaan dhiiga hoosiyo qalbiga, wada dhalaalsiiyey
4. Runtii aan u dhakaabiyo dadkaan, dhaabadda u sheegay
5. Dharaar iyo habeen qayladaan, kor u dhawaaqayey
6. Ujeedada dhankii loo wadee, layska dhaadhiciyey
7. Inta dhinac marsani waa kuwaan, garasho dheereyne
8. Caqligay ka dhaawacan yihiin, waana shay dhab ahe
9. Oo dhaandhaamo baas waxa ka dhigay, dhuuni raacnimo’e
10. Shaydaankay dheesha u tumaan, wuu dhakaandhabiye
11. Umaddan dhabaalyeyn jiree, aan u dhawaaqaayey
12. Dhabar dhabar hadday wax u fahmeen, yaa dhibaato ahee
13. Dhaqankiyo asluubtaan macanaha, kugu dhansiiyaaye
14. Raggiise aabbayaasheen dhalay baa, dhaafay hadal weyne
15. Maahmaahyadey noo dhiseen, midaan ka soo dheegay
16. Dhinacyada hadduu kaaga jiro, nacab ku dhaylyaaya
17. Intaad sacabadow dhigan lahayn, nacab ku dhuudaaya
18. Si uu dhoomo inaad buuxsatoo, dheregtay kuu moodo
19. Dhafoor xumiyo cadawgaagu yuu, dhuubni kaa garane
20. Waxaaba loogu soo dhaashadaa, dhuux sagaaro e
21. Markaad hadalku geestuu u dhacay, sii dhadhamisaanna
22. Dhudhunkeeda taa lama lahayn, dheef ka raadsade e
23. Macnuhu waa dhiggaa lama beryee, ceeb ka dhawrsade
24. Dhirta iyo dabayshiyo dhulkiyo, dheefta iyo ciidda
25. Wax dhulkeena lagu dheehay oo, dheeriyaa badane
26. Inkastoo dhallaan iyo gabow, ciidda lagu dhaarto
27. Dhaqdhaqaaqi meelaan casrigu, wali ku dheereynin
28. Dhallinyaradii aan sheegaayiyo, taan dhegaabinayey
29. Maskaxdaa dhan hadalkiina, way dhihi yaqaaniine
30. Dhimir iyo garaad way qabaan, fiiro dhumuc weyne
31. Oo qaarkood murtiday soo dhuftaan, waabad dheygagiye
32. Dhabbahaan marayniyo libtuna, way isu dhaw dahaye
33. Dhaqso horumarkoodiina way, dhagagsanaayaane
34. Isxilqaanka noo dhimman maxaan, uga dhabcaalownay
35. Dhurde ma laha dhuux iyo laf iyo, dhiibsanow muruqe
36. Dhirtana waa ka miidduu ka dhuray, lala dhamaayaaye
37. Intaan ubuxu dhadhin ee ku yaal, laanta dhaladeeda
38. Ee uu mankuba dhaadan yuu, tacab dhitaystaaye
39. Hadhow buuse wuxuu sii dhigtiyo, malabkii dhuuqaaye
40. Haddaan eegno dhuunyaalihiyo, anigan Dhoodaana
41. Billow aadmigii aan u dhashaan, yara ku dhaamaaye
42. Geedihii dhulkiyo hawlkarnimo, igaga dheereeye
43. Aboorkuna dhareer iyo wuxuu, ciid isugu dhoobay
44. Ee uu dundumada uga dhigay, amuu u dheeraystay
45. Waa jidhacuu dhiilada ka qabay, inuu ka dhuuntaaye
46. Haddaan cadawga soo dheelmadka ah, la iska dhooroofin
47. Dhexda maalintuu kaa galee, dhagarna kuu geysto
48. Dhirif iyo cabaad sida runta ah, kaama dhiciyaane
49. Dharbaaxadu intay kaa fogtee, soo dhabbacanayso
50. Lama dhagabsadee waa inaad, dhab u dareentaaye
51. Markaasaa dhangado loo gurtaa, dhaax la diriraaye
52. Oo dhawrta lays kaga gudbaa, dhacamo waaweyne
53. Geedaha dhafmaa lagu yidhaa, waysku dhoon kaniye
54. Dhig baan udub ku taagayoon ku xidhay, shay dhegaatiyahe
55. Mana dhalleecsan hadalkii anoon, sii dhubqaaliyine
56. Ruuxii i dhageystow macnihii, waan ku dhaadhicine
57. Cudurada wax dhaawaca jirrada, lala dhukaamayo
58. Ee sida dhinbiilaha dabka ah, kaga dhagsiinaysa
59. Iyo gumaysi dhuug iyo ka daran, baalcaddii dhagaxa
60. Oo inuu dharkaba kaa furtiyo, dooni dhaxalkaaga
61. Labadaaba wixii kaa dhacshaa, ma aha dheeldheele
62. Mid walba waa dagaal dhiif leh oo, dhuubka loo daro e
63. Dhanka kale waxyaalahan dharaar nool idhaa, taaba maan dhuganno
64. Dhakhtarnimo ka soo qaad bal waan, kuu dhildhilayaaye
65. Caanaha dharkaynkiyo haddaan, dhirindhir soo hoorsho
66. Oo aan dhammaajiyo ku daro, xabagta dhiigsaarka
67. Oon dhiil xareediyo intaan dheri, ka soo buuxsho
68. Oo daboolka aan u dhuujiyoon, dab u dhardhaarreeyo
69. Kolay boogta dhaymo u noqdaan, lama dhalliileene
70. Ma dad dhoohan baan nahay, maxaan taa la dhugan weynay?
71. Haddaanse laamo dhaadheer ka qodo, dhuundhas xididkeeda
72. Oon xadhig dhan kaga soo xidhoon, dhinac u laadlaadsho
73. Oon weel u hoos dhigo biyaha, way dhidhibicdaaye
74. Inuu dhibiq tifleeyaba qoryaha, waxa ka soo dhiiqa
75. Haddaan waliba dheecaan Mawiyo, dhamstana u geeyo
76. Oon dhaal ku wada shiilo oon dherilo, ka soo buuxsho
77. Inay dhabarka daawo u noqdaan, way u dhawdahaye
78. Ma dad dhoohan baan nahay, maxaan taa la dhugan weynay?
79. Markay Uneexo rays dhaadhidee, dharabka doogowdo
80. Dhawr geed haddaan soo rujoon, dhamac yar taabsiiyo
81. Markay dhuudhi roortee humrigu, dhidid ka soo daayo
82. Dhudhun lagu maroojiyo intaan, xoog isugu dhaabo
83. War dhaydaan ka tuujiyo waxaan, dharaq ka soo miiro
84. Kob dhawrsoon intaan sii dhigtoo, dhababo oon huursho
85. Oon Jinow dhanaan iyo haddana, dhoon Tobboga keeno
86. Oon tiina taa dhiil qarsha ah, kula dhadoobeeyo
87. Dhuubaan kolkay soo baxdoo, dhiin casuus noqoto
88. Qof dhilmaayo soo tuurtay oo, kaar u dhimanaayey
89. Haddaan xidid sintaa kaga dhuftoon, dhash! kaga siiyo
90. Dhaqso inuu bogsoodaaba way, dhici karaysaaye
91. Ma dad dhoohan baan nahay, maxaan taa la dhugan weynay?
92. Dhafaruur dhunkaal lagu qasiyo, Dhayga badhidiisa
93. Dhiqle mayna reebteen waxbaba, yey dhurwaa diline
94. Dhiidhiitiida kama liidateen, laygu dhacayaaye
95. Ma dad dhoohan baa nahay, maxaan taa la dhugan weynay?