Tix maanso oo jacaylka ka hadlaysa
Halkan waxaan kuugu soo
gudbinaynaa tix kooban oo ka hadlaysa jacaylka taas oo ka turjumaysa micnaha uu
ka dhasho, iyo miraha laga goosto, marxalada la maro. Waxay maansadani sawir ka
bixinaysaa kalmadan sida wayn loo adeegsado ee jacaylka, waxayna taabanaysaa
dhinacyo badan oo ka turjumaya waxa laga yidhi iyo wacdraha uu lamaray dadyow
fara badan. Maansadan magaceedu yahay
“waa micno jacaylku”
waa micno mugwayno
magac loo gu yeedhiyo
midablagu minsoociyo
bildhaan lagu mataaliyo
muqaal la dheehdiyo
meel laga dayaa jirin
minan gooniyo u dago
nin dareemay mooye
aan lahayn macalin kale
dhanka kale mataalkii
siday noogu macneeyeen
aan yara maleeyee
kamacaan dux iyo malab
mana aha midhiyo sonkor
waa muquur rabaaniya
halmara ruuxa muudsada
miyirkiisu raacoo
maankiisu qaayibo
waa maax daliil oo
lagamiiray canabkii
maxabadu waraabisay
hadal kuma macnayn karo
maan kuma sawiri karo
ruuxa mawjadiisiyo
maabkiisa gala uu
samadaa lamro sare
waxa isaga umuuqdaa
waa wax aan makhluuq arag
mushkilada u gaaruu
maaraynteeda goobaa
duurafaha kumaranbuu
maalinki iyo haabiinkii
la mooraal xunyahayoo
saqda dhexe lameeraa
ileen ruux jacayl maray
ubuxiyo mankiisiyo
looga muuqdo meelkale
oo ubax magooliyo
daawanaaya midabada
ka muuqata barwaaqada
mawluhu gayiga dhigay
maqlimaayo ruux kale
nimu malag usheekayn
anuun baaba moodaye
ruux firdawsa daawaday
ifka miyuuba joogaa?
waa maya jawaabtuye
maxabbaa min raaxo leh
iyadaa mug waynoo
meel nawada qaadiyo
sooryiyo leh maamuus
minan lagu gamaa iyo
iyadaana murugtiyo
maalmihii kusoo maray
waxay mahadho reebeen
kaamaydha mashaqada
meeshay kamaqantahay
oma mohato laabtuye
naftu way ka maagtaaa
waxa ay kumilantahay
ama ay kumarantahay
ama ay ka muuqato
macaan kama dhamaado
dhamaan waalamahadshaa
muxubaa mataanayn
midnimiyo isku duubni le
muxubadu kanuur badan
qoraxda iyo maanshoo
duniday kamaqantahay
kamadow god hoosiyo
gudcur daaha soorogay
waa astaan maguurta ah
aadmigu kamaarmayn
mahuraanka noloshiyo
ta umudan aduunyada
maamuus dhamaantii
imisaa mu alifiin
iyo abwaano magac wayn
intuu mirtii kusoo dhacay
miyir uu salaaxee
murti uu ka tuujiyay
markuu waagu daalacay
ee ay madaxa qaadeen
ma dabaylo jaanbaa?
mooyaan wax qaadaye
la soo kacay makhluuqoo
mar qudha uun insiyo jaan
lagu wada madiixoo
music iyo daf loo tumay
by:
maxamed nuur