Kadib markii uu dib u soo caayay Madaxweynihii hore ee Mareykanka Donald Trump. Elon Musk wuxuu umuuqdaa inuu ka fiirsanayo inuu ka saaro xayiraadda akoonno badan oo Twitter ah oo ay maamulkii hore ee shirkadu xannibeen sababo kala duwan owgood.
Milkiilaha cusub ee Twitter-ka Elon Musk ayaa daabacay ra'yi ururin kale oo ku saabsan websaydhka caanka ah ee Tweet, natiijooyinka kasoobaxay ayaa horseedi kara in la kansalo xayiraadda saaran kumanaanka akoon.
Halka ay taageerayaashiisu waydiiyeen “ Haddii Twitter ay bixiso cafis guud oo loogu talagalay xisaabaadka la hakiyey. Ilaa iyo inta aysan sharciga jabin ama ay ku lug yeeshaan spam? ”.
Bilyaneerka Mareykanka wuxuu ka hadlayey xorriyadda hadalka ee Twitter-ka muddo dheer ka hor inta uusan helin shabakadda bulshada. Hadda oo uu noqotay milkiilaha cusub, akoonno hore loo mamnuucay ayaa la fasixi karaa.
Toddobaadkii hore, Madaxweynihii hore ee Mareykanka, Donald Trump, ayaa dib loogu soo celiyay akoonkiisii uu ku lahaa twitter-ka kadib xayiraadii ay kusoo rogtay, taasoo ku timid sahan uu sameeyay Ma oo natiijooyin u yeeshay Trump.