Gabaygii cali dhuux sayidka ku
caayay iyo jawaabtii sayid maxamed cabdulle xasan
Cali
Aaden oo loo garan ogyahay cali dhuux oo kana mid ahaa raggii ciidankii sayidka ee daraawiishta, lana sheegay inuuu markii danbe ka goostay xerta sayidka isla xiligaasna ka soo horjeestay oo had iyo jeer Sayid Maxamad ay afka iska tuur-tuuri jireen, gabayo cay iyo aflagaado ahna isu marin jireen hawada, ayaa
Sayidka gabay cay iyo diradiro ah u soo mariyey. Gabaygaa halkudhiggiisu
wuxuu ahaa
gabayga cali dhuux ee ku socday sayidka
Allahu akbar eedaanku waa, kaa afkiyo beene
Ashahaaday gaalkubase waa, ehelunaarkiiye
Ubbo-weesta waa kugu arkaa, agab salaaddeede
Asaxaabihii-olol ku dhace, wow abtiriyaaye
Hadduu uurka kaa jiro wardigu, kaama orodneene
Abtiyaaladaa iyo ku nacee, ururki reer Kheyre
Arbrow Jaamac iyo Aaden iyo, Oogle ka tage’e
Waxaan uubateeyaha tolkay, oodda soo jabiye
Axmaqyahow kuwaad ku amranayd, idinka maaheyne
Waa uur gaslow Aaden-Dhagax, odoyadaadiiye
Abtirsiinyadaa waxay gashaa, eyda reer Xamare.
sida ku xusan buuga laga qoray isla markana lagu kaydiyay gabayadii sayidku, Mar kale Cali-Dhuux isagoo isku diraaya Sayidka iyo Cali-Geri oo ahaa nimanki dariiqada iyo jahaadka diirka u ahaa, wuxuu yiri:
Arxan nimaan u gelihaynin oo, ina Ogaadeena
Aabowda uun bay hayaan, kii arsaa’ilaye
jawaabtii sayidka
Sayidku wuxuu ahaa afmaal aan hadal laga badin, gabyaa maansada aan lagaga daba dhufan, isagoo hadaladaas Cali-Dhuux ka jawaabayana wuxuu yiri:
AwYuusufoow erey yar baan, ku erganaayaaye
HadduuEebbahay kuu idmaad, ururta weyn gaadho
Ikhwaanoowadkee xaajadaan, kugu ammaanaystey
Ku ansaxi halkii aan ku iri, aadna ugu fiirso
Gurraasiyo Iljeex iyo u sheeg, nimanka Iiddoora
Ogaadeen haddaan ahay dad wow, amar korreeyaaye
Oo ubaxa baarkaan ihiyo, awrta Haashima e
Abtirsiinydey
waxay gashaa, odoyo waaweyne
Halkaan
uga arooraana waa, odaga Daaroode
Rasuulkii
udgoonaa waa, ina-adeerkay e
Sayidkii
Axmed ahaana way, awow ruma e
Ibraahim-Rashiid1 aabbahay, odagi
weeyaane
Asaxaabihii
oo dhan baan, ehel waddagnaaye
Hadba
anigu qoyskaan ahaa, loo irkanayaaye
Nin
Amxaara mooyee intii, edge adduun joogta
Islaameedku
wuxuu ii yaqaan, ehelu-kheyrkiiye
Aakhiro
albaabbada jannaan, agabsanayaaye
Adiguna
abbaanow midgaan, uraya saw miihid?
Saw kii Ilaahay necee, eyga qalay miihid?[1]