Waxaa soo islaamay qayskii ugu
waynaa maraykanka
Baryahanba
waxaa warbaahinta caalamka haysatay, sheekada qayskii waynaa ee hor joogaha ka
ahaa mid ka mida kaniisadaha ugu wayn ee dalka maraykanka. Qayskan soo
islaamay ee ka soo diga rogtay diinta kiristan ayaa buuq badan kadhax dhaliyay,
qaybaha kala duwan ee bulshada dalka maraykanka. Sodoo kale waxay talaabada
wadaadku walaac aad u balaaran ka dhax abuurtay, kooxaha u olaleeya diinta
kiristanka.
Hadaba
yuu yahay wadaadkan kuraasta ku gilgilay madaxya waynta gaalada, maxayse tahay
ahamiyada intaa dhan ee uu ugu fadhiyay diinta kiristaanka? Qormadan ayaan
kublafa guri doonaa su'aalahaas iyo kuwa kaleba hadii eebaha awooda leh inoo
ogolaado.
Waxaan ku qaada
dhigi doona qormadan hilarion heagy oo
ahaa qays wayn islamarkaana ku nool dalka maraykanka sumcad sare ku dhax lahaa
hogaaminta diimeed ee kiristaanka oo la sheegay in uu dhawaan ka soo diga
rogtay diintii uu haystay ee kiristaanka, qaatayna diinta suuban ee islaamka.
Hanuunka qayskan
ayaa ka farxiyay muslimiinta ku kala nool daafaha caalamka, iyagoo ku soo
dhaweeyey wlaalkoodan cusub takbiir iyo taxmiid. Dhanka kale waxaa jira kooxo
isku dayaya inay beeniyaan warkaas kuwas oo u badan hayadaha war baahinta reer galbeedka,
oo ay ku noqotay falaadh xanuun badan islamarkaana isku dayaya inay ka hor
tagaan saamaynta wayn ee ay ku yeelan karto arinta qayskani dadka aaminsan
masiixiyada.
Hadaba maxay
tahayqisada kadanbaysay islaamitaanka qayskan wayn maxayse tahay arintaku
dhalisay inuu qaato diinta islaamka? Arimahaas kuwa kaleba waxaan kaga bogan
doona qormadeenan in ka dhiman.
Horta waa kuma hilarion heagy?
hilarion
heagy waa qays ameerikaan ah, wuxuu ku dhashay dalka hangari sideetameeyadii
qarnigii tagay, wuxuuna hana qaadkiisi u xadhka xidhay barashada diinta
masiixiga, isagoo horjooge ka noqday kaniisada madhabta orthodox – ga ilaa laga
soo gaadhay sanadii 2017 dii xiligaas oo u oga gudbay kaniisada catholic –ga.
Sida uu sheegay
hilarion heagy cayntiisu wuxuu mudo dheer daraasad ku samynayay diinta
islaamka, isagoo akhriyay culuumta islaamka qaybeheedakala duwan,waxaa kaloo uu
ku taqasusay cilmiga physics – ka wuxuuna ahaa nin wax ka qoray labadaba. Waxaa
lasheegay in uu ahaa shaqsi jecel inuu wax walba si dhaw ola socdo isla markaana
wax ka ogaado, taasina waxay u suura galisay inuu noqdo ruux wareega dalalka
dunida si uu wax uga barto isuga dadka
wax u baro, diimaha kalena wax ka ogaado.
Asbaata horseeday inuu islaamo hilarion heagy
Sida uu laftiisu
ku sheegay bogiisa, kaas oo u ku qoray maqaal dheer oo uu ka diyaariyay qaabkii
uu u islaamay wuxuu ku sheegay, kadib markii uu soo galay diinta islaamka inay
kusoo butaaceen kumanaan fariimood iyo teleefano tira badan oo anu awoodin inuu
dhamaantood kawada jawaabo sidaa darteedna uu go`aansaday inuu hal mar uun
kawada jawaabo suaalaha ku saabsan qaadashadiisa diinta islaamka.
Wuxuu sheegay
hilarion heagy inay muhiim tahay inuu sharaxaad ka bixiyo habkii uu diinta
islaamka ku soo galay, iyo asbaabtii ka danbaysay inuu qaado talaabadaas, isagoo
raaciyay inaanu soo koobi Karin dhamaan astaamaha wanaagsan ee tira beelka ah eek
u jira diinta islaamka, maxaa yeelay waa diin
leh falsafad iyo aqoon xeel dheer , in kastoo uu mudo 20 sano ah darsayay
diinta islaamka wuxuu sheegay inuu wax badan ka dhimanyahay oo la xidhiidha
aqoonta ku duugan diinta islaamka ee wayn, waa siduu hadalka u dhigaye.
Wuxuu sheegay
hilarion heagy in dhaxgalka culuumta diinta islaamka iyo inuu wax ka ogaado ay
sabab u ahayd kutubta loo turjumay afka ingiriisiga oo ay u fududay inuu fahmo,
taasina waxay u sahashay inuu wax badan ka ogaado diinta islaamka, markii
danbana wauu dhab u ogaaday in culuumta inteeda badan lagasoo xigtay
muslimiinta o loo turjumay kaliya luqadaha qalaad, asalkooduna ku qoraa afka
carabiga.
Wuxuu soo
bandhigay hilarion heagykutub uu sheegay inay ahaayeen kwii ugu wanaagsanaa ee
ka siiyay islaamka fikrad wanaagsan, una fududeeyay una fududeeyay inuu wax
wayn ka fahmo mabaadiida diinta islaamka , shareecada, caqiidada iyo dhanacyo
kale, waana sababta ka danbaysay inuu soo galo xerada nabad galyada ee
islaamka.
The clear quran
Wuxuu sheegay
hilarion heagy in uu arkay turjumaado badan oo ku qoran luqada ingiriisiga oo
lagu fasiray quraanka kariimka ahlakiin ka iigu saamaynta badnaa ayaa ahaa
turjumada (the clear quran) waana mid kulansatay cadaynta macnaha aayada iyo
fahamsiinta, qofka aan carabiga ku hadal.
islam and the destiny of man
Sidoo kale wuxuu sheegay in aanu arag kataab lamida buuga
lagu magacaabo (islam and the destiny of man) kaas oo uu ku amaanay, inuu yahay
buugaagta islaamka ka hadasha ee afka qalaad ku qoran ka ugu wanaagsan islamarkaana
uu ku talinayo in la akhriyo.
The heart of islam
Wuxuu hilarion heagy cadeeyay qiimaha uu leeyahay buugan lagu
magacaabo (the heart of islam) oo ka mid ah asbaabaha ugu waa way nee u soo hogaamiyay
xagga diinta islaamka, wuxuuna sheegay inuu yahay furaha qof walba oo doonaya
inuu wax ka ogaado diinta islaamka, maadaama ay qaraxyadii 11 September ee ka
dhacay dalka maraykanka ka dhigtay dadka reer galbeedka kuwa ka aaminsan
islaamka qalad iyo inuu yahay islaamku diin argagixiso ah, oo dhiiri galiya
nacaybka dadka kale ee diimaha kale aaminsan.
hilarion heagy wuxuu tilmaamay inuuu buugani soo bandhigayo
xaqiiqada diinta islaamka, iyo ujeedada iimaanka wuxuuna sheegay inuu ka mid
ahaa buugtii ugu horeesay ee uu akhriyay si uu wax oga ogaado diinta islaamka.
Mohammad: his life Based on the Earliest Sources
Wuxuu sheegay
hilarion heagy inuu tix raac ku sameeyay ilo badan oo ku saabsan nolashii
nabiga(naxariis iyo nabad galyo korkiisa ha ahaatee) isla markaana uu
dhagaystay cajalado badan oo ay culimo waawayn kaga hadlayaan isla mawduucaas,
laakiin buugan ayaa haa mid ugu muhiimsanaa ee uu ka helay baadidiisii.
Wuxuu sheegay
inuu martin lings oo ah qoraaga buugan yahay qofkii ugu wanaagsanaa ee wax ka
qora siirada nageena suuban (naxariis iyo nabad galiyo korkiisa ha ahaatee)
isla markaana lagu qoro luqada ingiriiska.
Cajaladaha sheikh hamza yousuf
Sheikh xamza
yuusu waa sheikh caan ka ah wadamada reer galbeedka waana daaci wayn, waxaa
laga duubay cajalado fara badan oo muxaadarooyin ah, waxayna qayb ka ahaayeen
sida uu caynayo hilarion heagy
waxyaabaha saameeyay, gaar ahaan silsilada uu siirada xabiibka (naxariis
iyo nabad galiyo korkiisa ha ahaatee).
Ilahay waxaan
ka baryayna inuu inuu hanuunka uu nasiiyay na daaimiyo, diinta islaamkana nagu
sugo, iyadana nagu nooleeyo naguna dilo.